Miranda Kerr chuan a pasal hlui Orlando Bloom chu a unaupa ang mai a nih thu sawiin, vawiin thlengin kan inzawmna hi a la nghet a ni, a ti.
August ni 4 khan podcast pakhatah Kerr hi inlanin, a fa hmasa ber pa leh a kawppui hlui ni bawk Bloom chungchang hi zawh niin, a sawi a, an inzawmna a la that reng thu a sawi.
Kum 43 mi ni ve tawh Kerr chuan a pasal hlui Bloom, kum 49 mi chu an inneih lai atanga vawiin thlengin a unaupa ang mai a la nih reng thu a sawi a, an pahniha an fa enkawl danah pawh inrem taka an la awm reng thu a sawi a ni.
An pahnih hian kum 2007 atanga inzui tanin, fapa Flynn, kum 15 mi an nei a, mahse kum 2013 khan an inthen. Hemi hnu May 2017 khan Kerr hi Snapchat CEO leh co-founder Evan Spiegel nen innei lehin, fa pathum an nei dun leh tawh a ni.
Orlando Bloom pawh Katy Perry nen inkawp zuiin fanu Daisy Dove, kum 5 mi an nei a, an inthen leh tawh thung.
Kerr chuan Bloom nena an fa neihchhun Flynn chu a tha ber an la duhsak reng thu sawiin, a pasal hlui chu a unaupa ang maia a fapa chungchangah pawh a la biak pawh thin thu leh an la inpawh thu bakah, an inzawmna a la that reng thu a sawi bawk.