Aizawl: Foundation For Drug-Free Mizoram buatsaihin Pathianni khan Baptist Church of Mizoram (BCM) Ramhlun North-a naupang leh tleirawl mi 24 chuan ruihhlo laka fihlim turin an intiam.
He intiamna hun hi Upa Alert Sailo, Life Member chuan a kaihruai a. Thusawitu Foundation For Drug-Free Mizoram dintu Vee Mathara chuan ruihhlo dona kawngah Mizoram sorkarin thapui a thawh avangin ruihhloa inhnamhnawihte an chep sawt hle tih a sawi a. Tualchhunga ruihhlo man to ta pawh a dotute inpekna rah a nih thu sawiin, khawvelin ruihhlo hmansual a hmelhriat atangin ruihhlo chu thudik lo hmanga itawm thei ang bera tawktarh thin a nih dan a sawi bawk.
Vee Mathara chuan tun hnaiah tleirawlte thangduang zingah ganja chu ‘lehkhathiam theihna/vanduai lohna’ anga sawina thudik lo a hluar thar nia Excise leh Police report atanga a lan thu a sawi a, ruihhlo bumna leh hralh tumna dik lo laka tleirawlte venhim chu an pawl mission ber a nih thu a sawi.
He huna Resource Person Vanlalruata chuan ruihhloin mihring taksa leh rilru a khawihchhiat dan te, ruihhlo telloa nun mawi leh duhawm neih dan tur kawhhmuhna te ngaihthlak a ni a. Tleirawlte chu ruihhlo tichhin ve ngai reng reng lo turin a fuih nghal bawk.