A film chan thar ber The End of Oak Street tlangzarhnaah Anne Hathaway chuan langsar tak a naupai puar lai tilangin, mi tam tak lawm a hlawh hle.
Lemchan thiam Hathaway hian fa thla 4-5 vel a pai mek a, a dul lamah pawh hei hi langchho ve tanin, tun hnaia media hmaa a lanna hrang hrangah naupai tak tak lo anga sawina a tam hle a, hemi a chhanletna atan hian a naupai lai dul tilang ngei tura dress pawh thlang a nih thu a sawi.
A thlalakte hi amah hian social media lamah dahchhuakin, ‘Fake hair, real bump’ tiin amah troll tute chu a chhanglet a ni.
Hathaway hian a pasal Adam Shulman nena an fa pathumna tur a pai mek a, an pahnih hian Jonathan, kum 10 leh Jack, kum 6 mi an nei mek a. Amah hian kum 43 mi a ni tawh chunga fa a la pai thei chu nuam a tih thu leh a fa lo piang tur tana theihtawp a chhuah thu a sawi.