Zaithiam Demi Lovato chuan a pasal chu nitina a duhna a zual thu leh a tan chuan ani tluk a la hmuh loh thu a sawi.
Camp Rock 3 tlangzarhna leh a changtute inhmuhkhawmna hmunah a pasal neih chungchang hi zawh niin, a pasal nen chuan inpawhna taka an awm thu leh, thu chhia tha an inhrilh zel thin thu a sawi a, kan inkawmngeihna leh kan inpawhna hian kan inkar tithain, an pa chu a pasal tur taka duan nia a hriat thin thu a sawi a ni.
Kum 33 mi chuan a pasal Jordan “Jutes” Lutes, 35 mi nena chuan an mamawh leh buaina an neih hrang hrangte an inhrilh tawn bakah, harsatna an neihin mahnia su mai lovin, an inpuihtawn thin thu a sawi a, chu chu an nupa kar tinghettu nia a hriat thu a sawi bawk.
Nitin hian ka hmangaihna hi a thar reng ni berin ka hria, a laka ka rilru put hmang leh ka laka a rilru puthmang hi kan inngaihzawn lai ang reng kha a la ni, tiin a sawi chhunzawm.
An pahnih hian hun engemawchen an inzui hnuah nikum May 25 khan an innei a, inngeih taka la khawsa zelin, Camp Rock 3 an channa kawngah pawh hian a pasal hian a thlawp tha hle niin Lovato chuan a sawi.
Camp Rock 3 hi August ni 10 khan tlangzarh niin, vawiin, August 13 atang hian Disney Channel atanga en theih a ni nghal bawk dawn a ni.