Aizawl: Mizoram Special Blind School, Aizawlah Nilaini khan mit del zirlaite tana Digital Learning Lab hmasa ber hawnna a ni a. He hmasawnna hi Mizorama mit delte tana zirna kawng thar a ni.
He hmalakna hi Saksham leh SBI Foundation-te tangkawp, SBIF CoE Samarthya Project hnuaia kalpui a ni a. Lab hian mit del zirlaite tana assistive technology leh digital hmanrua hrang hrangte chhawpin, technology-a an thiamna tihhmasawn nan leh mi dang rinchhan lova mahnia an zir theih nan a pui dawn a ni.
Lab hawnna hun hi Samaritan Association for the Blind (SAB) Vice President, Rev. Vanlalchhuanga’n a kaihruai a. Zirlaite hnenah khawih hriat theih lehkhabu leh bag sem nghal a ni bawk.
He hmalakna hian mit delte tana zirna huamzau leh inthliarhranna awm lo siam kawngah hmasawnna thar a thlen ngei beisei a ni.