Aizawl District Boxing Association (ADBA) eh Zonet TV Private Limited tangdun chuan kar thar lo awm tur hian All Mizoram Inter Club Boxing Championship, 2026 an buatsaih dawn.
Inelna hi Thawhtanni atanga tanin Zirtawpniah zawh tur a ni a, Ramhlun Boxing Hall, Ramhlun, Aizawlah neih tura ruahman a ni a, mipa leh hmeichhe tan sub junior atanga senior thleng inelna hi buatsaih a ni ang.
Senior men-ah kum 19 atanga 40 inkar leh kunior men-ah kum 16 atanga 18 inkar tan cvategory 13 ve veah inelna neih a ni dawn a. Senior women-ah kum 19 atanga 40 inkar leh kunior women-ah kum 16 atanga 18 inkar tan category 12 ve ve a awm ang.
Sub-junior boys leh girls-ah kum 12 atanga 15 inkar tan category 17 siam a ni dawn bawk.
All Mizoram Inter Club Boxing Championship buatsaih tur hian inbuatsaihna kalpui mek a ni a. Inelna hi Zonet TV-in live-in a pe chhuak thin dawn ang.
Inelnaah hian district-a affiliated club-te chauh an tel thei dawn a, club tin atangin category tinah boxer pahnih zel tel thei tura ruahman niin district hrang hrang atangin infiammi tha tak tak an fuan khawm dawn a ni.
ADBA leh Zonet tangdun chuan boxing inelna hi an lo buatsaih tawh thin a. Nikum khan Mizoram Fight Night hlawhtling taka buatsaih niin kuminah pawh buatsaih leh tur a ni a, tuna Mizoram Inter Club Boxing Championship neih tur pawh hi Mizoram Fight Night lo awm tura inbuatsaihna pakhat a ni.