Lirnghing na takin Colombia leh Venezuela a sawi a, mi tam takin nunna chanin, in leh lo chan tam tak an awm bawk. Hetih lai hian Latin music star Marc Anthony leh a thiante pawh an awm mai mai bik lo, lirnghing tuarte tan Miami atangin livestream international concert an nei dawn.
Anthony leh a thiante hian August 16 hian livestream concert hi an nei dawn a, zai tur zingah hian Marc Anthony bakah Luis Fonsi, Chayanne, Feid leh Jay Wheeler te tihchian tawh niin, live lai hian vehbur khawnna tur an dahchhuak dawn a ni.
Heta an pawisa hmuh tlingkhawmte hi lirnghing tuartute hnenah hlan vek nghal an tum thu Marc Anthony chuan a sawi a, ka mihringpuite tana hmalakna leh harsatna an tawhnaah tlem tala tangkaina kan neih ve theih mial takin kan ti, tiin Anthony chuan a sawi.
Concert atanga an sum hmuhte hi All Hands and Hearts, CARE, Global Empowerment Mission, Techo leh World Central Kitchen te hnena pek an tum thu Anthony chuan a sawi bawk.