Bollywood lemchan thiam Anupam Kher chuan a hun liamtate chhuikirin, lemchan khawvelah chawimawina leh hmingthatna, larna nasa tak tawng mah se, chutianga hriatreng a duh loh thu a sawi.
Lemchan hi ka chawlhsan hun tur ka hrethiam chiah lo, tiin kum 71 mi ni tawh Anupam Kher chuan a sawi a, mahse lemchang thiam nia hriatreng a duh loh thu sawiin, mi pakhat, mi tha tak ni veah mi hian min ngai se, chutianga hriatreng chu ka duh zawk, a ti.
Phurrit tak tak ka phur ve fo a, chhungkaw lam leh mimal nunah ka hringnun zinkawngah hian harsatna tam takin min chimbuai ve fo, ka lemchanna kawng lam hian engmahin min hnem lo a, keimah bawk hi ka pawimawh ber leh thin. Chuvang chuan mi tha tak nih ve hram hram hi ka tum a ni, Anupam Kher chuan a ti.
Lemchanthiam tak anga min lo ngai chu an awm ngei ang. Mahse, kei aia thiam hi tam tak an awm a, kei aia hlawhtling tak tak pawh an awm. Kei chuan midangte tana nun hman a, damchhung rei lote hi midangte nena hun tha zawk hman nan ka duh ber a ti bawk.