Aizawl: Ram chhung hmun dangte rualin Inrinni zingkar khan Gauhati High Court, Aizawl Bench-ah pawh India Independence Day vawi 80-na lawmna buatsaih a ni a. Justice Kalyan Rai Surana, Judge, Gauhati High Court chu khuallian niin hnam puanzar a pawt pharh a, 225 Battalion CRPF-te chibai bukna a chhanglet.
Independence Day lawmnaah hian Justice Rajesh Mazumdar (Judge, Gauhati High Court & Station Judge, Aizawl Bench), Helen Dawngliani (District & Sessions Judge, Aizawl Judicial District), Dr. H.T.C. Lalrinchhana (Registrar), Mizoram Judicial Service Officer-te, High Court Official-te leh Mizoram State Legal Services Authority hotute an tel a ni.
Hei bakah hian law minister hlui, T.J. Lalnuntluanga, Mizoram Bar Association hruaitute leh member-te, Additional Advocate General-te, sorkar Ukil te leh thuthar lakhawmtute pawh an tel.