Aizawl: School Education Minister Dr. Vanlalthlana chuan Inrinni khan Govt. TM High School Zote-ah Integrated Maths & Science Lab leh office building thar a hawng.
Minister chuan Govt. TM High School Zote hmunhma te enfiahin, smart classroom hman dan chungchang te school thawktute nen an sawiho a. Thawktute leh zirlaite hnenah hmunhma tha leh changtlung tak an nei chu vannei an tih thu sawiin, tangkai taka hmang turin a chah a ni.
Govt. TM High School Integrated Maths & Science Lab hi Rs 28,21,304 senga sak niin, a dung feet 33 leh a vang feet 16.5-a zau a ni a; April 1, 2026-a sak tan niin, July 30, 2026 khan sak zawh a ni.
Executive/Teachers Office building sak thar hi UD&PA Scheme hnuaiah Rs nuai 10 senga sak a ni bawk.