Lemchan thiam Nicole Kidman chuan a tleirawl chhuah hlima a pasal Tom Cruise nen an inneih lai sawichhuakin, kan inhmangaihna kha a thianghlim a, kan la naupan thung em avangin a tawp kan thleng lo mai a ni, a ti.
Kum 59 mi Oscar pawh lo dawng tawh chuan tleirawlte an nih lai, kum 1990 Krismas hma lawka an inneihna chungchangah hian tumah dem a nei lo a, a pasal hlui Cruise pawh hi ka tan a tha reng a, kan la naupang em a, heti hi kan ni ta mai zawk a ni, a fate nena min hmangaihna kha a theihtawp tak meuh chhuah chunga ti a ni, a ti bawk.
Kum 22, 23 chho vela innei kha kan ni a, kan career kan tan chhoh lai, vang lai nun kan hman chhoh lai a rawn inherchhuak tan chiah a, khatih lai khan keimahni ve ve khan project tam tak, lian tak tak kan nei nasa hle a, chhungkua kha kan awmkhawm thei lo fo a, kan duh ang vekin thil hi a thlengzui ta bik lo a ni, tiin a sawi.
Kidman leh Cruise hi kum 10 chuang zet an inkawp hnuah August 2001 khan official takin an inthen thu an puang a, fa pahnih – Bell,33 leh Connor,31 an nei hman a ni.
Kidman hi Cruise nen an inthen hnu kum 2006 khan Keith Urban nen innei lehin, September 2025 khan an inthen leh a, fa pahnih – Sunday Rose,18 leh Faith Margaret,15 an nei leh bawk.