2027 Spanish Super Cup chu Turkey-a Istanbul khawpuia Ataturk Olympic Stadium-ah khelh a ni dawn tih Spanish Football Federation-in an puang.
Semifinal bik chu February 2 atanga 7 inkarah khelh turah Barcelona, Real Madrid, Atletico Madrid leh Real Sociedad te an tel dawn tih Ninganiah khan Spanish Football Federation chuan a puang.
Saudi Arabia-in kum 2020 atang khan a lo thleng tawh thin a; mahse, Asia mipa football intihsiakna lian ber, Asian Cup nen a hun a intawn fuh avangin thlan a ni ta lo.
Kum 2026 final-ah Real Madrid hnehin Super Cup champion lai ni mek, Barcelona chuan kum 2028-ah chuan Super Cup hi Saudi Arabia-ah a kir leh dawn tih thuchhuahah an tar lang.
Spanish Super Cup-ah hian La Liga leh Copa del Rey champion leh pahnihna an tel thin a ni.