Lemchan thiam Brad Pitt chuan a kawppui hlui Angelina Jolie nen an inthen khan rilru lama harsatna lian tak a tawk chho tih sawiin, intihhlum hial a lo tum tawh thu a sawi.
Tun hnai khan Pitt chuan he thu hi sawi chhuakin, chhungkaw thil avang khan nasa takin kan buai zo a, vawiinah chuan kan duh loh loh thlenga kan tawn chhoh a ngai a, a hun lai chuan rilru a mang duh thin hle, a ti.
Ka chunga thleng tura ka rin loh leh ka duh loh ber intihhlum thlengin ka lo tum hman tawh a, silai mu hian min luhchilh se, nuam taka ka awm zui ka ring ber thin, tiin a harsatna tawh lai a sawichhuak.
Kan inthen chhan kha thil tam tak chu a awm ngei mai. Keimah tak pawh kha ka buai chho a, rilru mang takin hun rei tak chhung ka awm a, ka nun kha a nuam ngai lo, tiin Pitt chuan a sawi a ni.
Kum 2004 kuma Mr & Mrs Smith movie an chan dun atanga inzui Angelina leh Pitt te hi hun rei fe an chen dun hnuah August 2014 khan an innei a, mahse kum 2016 khan inthenin, hun rei fe an inthenna chungchang thubuai a kal hnuah December 2024 khan an inthenna hi dan angin an tifel ta chauh a ni.
Hetih lai hian an inthenna kum 10 chuang ni tawh mah se, Angelina Jolie chuan hmangaihna lamah a rilru a la pe nawn lo niin a sawi a, ngaihzawng lam a ngaihsak tawh loh thu tun hnaia an kawmnaah sawiin, Brad Pitt erawh chu model Ines de Ramon nen an inkawp mek nia sawi an ni.