Zaithiam Post Malone chuan a nupui hual Christy Lee chu inhualna zungbun pe in, hei hi dollar maktaduai 2 chuang man nia sawi a ni.
Hun rei fe an inzui hnuah Malone hian inhualna zungbun hi hlanin, a nupui ni turin a sawm a, Lee chuan lawm takin a lo chhanglet nia tarlan a ni.
An pahnih hian engmah an la sawi lo thung a, Christy Lee thiannu Marina Hollyer chuan a stories-ah a thiannu zungbun hi tarlangin, Lee leh Malone inkuah lai a dah tel a, hei hian khawvel pum a dengchhuak nghal.
Kum 31 mi zaithiamin a nupui ni tura a sawmna zungbun hi rangkachak leh lunghlua siam niin, dolalr maktaduai 2 man chuang daih a nih thu a hre zawkte chuan an sawi a, a tlawm thei lo nia tarlan a ni bawk.
An pahnih hian nikum March thla kha vantlang hmuha an inlan hmasak ber niin, hemi hnu atang hi chuan an inzui tihtak chho hle a, hmun hrang hrangah chawlh an hmang dun thin a ni.
Malone nupui hual Christy Lee hi kum 2021 khan Hee Sung ‘Jamie’Park nen lo inkawp tan tawhin, fa pakhat an nei hman a, an inthen hnu thla rei loteah Post Malone nen hian an inkawp zui leh a ni.