Aizawl: Model Blood Bank, Civil Hospital, Aizawla hman tur Solar Inverter (10 KVA) chu Chief Minister Lalduhoma chuan Thawhtanni khan a pisa-ah a pe.
Association of Voluntary Blood Donation (AVBD), Mizoram chuan power supply mumal loh changa thisen dahkhawlna leh vawnhimna hna a kaltluan theih nan Inverter tha an mamawh thu Chief Minister hnenah hian an lo thlen tawh a ni.
Solar Inverter hi AVBD General Headquarters President C. Lalnunnema, General Secretary Lalrinkima leh Civil Hospital Medical Superintendent Dr. K. Rothangpuia ten an dawng a. AVBD hruaitute leh damdawi in hotute chuan blood bank-a hmanraw mamawh leh pawimawh tak mai Chief Minister-in a lo pe duh chu a chungah lawmthu an sawi.