- Dr. J.T.V.L. Ngheta
‘Chhandamtu, i ropui zârah hahchawlhna nuam a awm’…… tih Dura Chawngthu lehlina ‘ropui’ (KHB 421; 2026 No.473) hi Grammar-a verb intransitive leh adjective ni si, noun anga kan hman thin Gerund/gerundial a ni a, hei hi Lalpa tawngtaina-a …..ram te, thiltihtheihna te, ropui te….tiha ropui’ tih nen hian grammar-a an nihna a inang reng a, a thlûk dan tur pawh Zonuam tih thlûk anga thlûk tur a ni; syllable pahniha a hmasa zâwk (ro) hi ri sâng tawi hat a niin, a hnuhnung zâwk (pui) hi ri hniam tawi hat a ni thung a.
Mi tam takin Mizorama thu-leh-hla lama ril tak (fam ta) thu ziah vawrh darhin whatsapp group hrang hrangah te LAL BIAKNAa ‘ROPUI’ tih hi ‘ROPUINA’ tih tur a ni, tiin an sawi thin a, an tanna hi a dik si lo. 1 Chro.29.11-ah,….. ropuina te, thil tih theihna te, chawimawina te, hnehna te…. tih sentence a awm avangin Lalpa tawngtainaa ….’ropui’ tih hi ‘ropuina’ tih tur a ni chuang lo a ni.
Chuvangin, hla hriltute pawhin KHB.-a ropui tih hi Zonuam tih thlûk anga ROpui hi thlûk ni se, a dik zaih mai ang.