Gwen Stefani chuan dan anga a fapa Zuma-a’n kum 18 a tlin tak avangin a lawmpui thu a tarchhuak nasa hle a, a fapa chu a chhuan tak zet thu a sawi.
August 21, kar liam ta tawp kha a fapa kum tlinga chhiar tan hun niin, No Doubt singer chuan an video hrang hrang instagram lamah a hnuah rawn tarchhuak ve chauhin a fapa a chhuan thu leh atan chuan naute duhawm tak a la nih reng thu a sawi a ni.
Kum 56 mi zaithiam hian a pasal hlui Gavin Rossdale nen fapa pathum – Kingston, 20; Zuma, 18 leh Apollo, 12 te an nei a ni.
Heng an fate hi a pasal ni mek Blake Shelton te nen pawh an inpawhna a tha hle niin Stefani chuan a sawi bawk a, a fate nen an nupa inkar chu a tha niin a sawi bawk.