Khawvel huap entertainment show-a judge hlawhtling leh mi tam tak mit fukna Simon Cowell chuan zai a tawh dawn avangin kar hnih chhung vel a dawhkan a luahzui thei dawn rih lo.
Kum 66 mi Simon hi a hnungzang zai a nih dawn avangin America’s Got Talent (AGT) 2026 neih mekah kar hnih chhung vel a dawhkan a luah thei dawn rih lo tih a thupuangtu chuan a sawi a, mahse engkim ruahmanna fel taka siamsa a nih avangin show neih lai vek hian a rawn kir leh hman dawn niin AGT buaipuitute chuan an sawi.
Cowell awm loh chhunga judge tur hi la tih fel loh a ni thung a, judge nghet lak a rem loh avangin guest judge hrang hrang an nei mai thei nia sawi a ni bawk.
Tunah hian Cowell bakah Howie Mandel, Sofia Vergara leh Mel B ten judge hna an thawk mek a, hun hmasa lama judge nghet Heidi Klum erawh chawlh a lak rih kum a ni thung.
Cowell hi kum 2020 August thla khan Malibu lama chawlh a hmannaah electric bike hmangin a chesual a, hetah hian a hnungzangah hliam tuarin, hei hi a insawiselna ni chhoin, tunah pawh hian an zai phah dawn a ni.
AGT hi June thla atang khan season 21-na kalpui leh tan a ni a, Terry Crews chuan host lehin, anmahni sanaa thawhlehni zan dar 8 apiangin tihchhuah thin a ni bawk.