Ram khat hruaitu lu ber niin, state mipuiin pa ena kan en. A tawngka chhuak chu mipui pawhin kan zawm dual theih a ni a, a nihna avangin kan dahsang viau.
Hetih lai hian tunhnaiah duh aiin a tawng tam leh hret thin nia lang hi a pawi a, thiamna a sang tawh a, tawngkam en let theihin a awm tawh bawk nen, thalai zawkte ngainat a hlawh lo telh telh ang tih a lo hlauhthawnpuiawm thin a ni.
Kar liamtaa assembly session-ah lah khan opposition party te tih tur niawm takin debate puiah opposition party te a sawm zawk hlauh a, ram khat hruaitu lu ber, tuang tichhah thei ber tura ngaih ni si kha, duh aichuan a tawngka chhuak a nawi leh ru tlat thin niin a lang. Media kaltlang pawh ni lo, rorelna in sang ber atanga leader berin opposition party te a chona kha a kawng hmang ber lo deuh ni chuang a lang a ni.
Hun a inher ang a, an sorkar hi a la kal zel a nih phei chuan amahah hian mipuiin rinna an nghat ngam lo telh telh ang tih a hlauhawm a, ram hruaitu lu ber thusawi nia mawi leh tha sawi kawngah hian a hmaa mite lakah inzir thei deuh se a tha hlein a rinawm.
CM dawhkan leh a nihna hi a sang a, pal puat puat leh duh ang anga tawngka neih ringawt hi a ni lo tih hre chungin a naute pawh hian tawngka chhak chhuak tur hian hrilh thin se la, kan ram hotu lu ber hian a dinhmun hi zahawm taka vawngin, mipuite min hruai chhoh tum mawlh zawk teh se.