Aizawl: Hlimen Local Council leh All NGO chuan thuchhuah siamin Lalsavunga Park enkawl a nih dan chungchangah sorkara an thil phutte a hlawhtlin tak loh avangin an lo rel tawh angin September 1, 2026 atangin park chu tlawh theih lohin an dang dawn tih mipui an hriattir.
Park enkawl dana an lungawi lohna chu August 11, 2026 ah khan press release chhuahin an lo tar lang tawh a, Hlimen LC leh all NGO chuan, “Kha kan thuchhuah ang khan Thawhlehni atang hian Lalsavunga Park hi tiam chin awm loin kan dang dawn a ni,” an ti.
Hlimen LC leh all NGO chuan park enkawltu contractor chu a contract cancel ngei ni rawh se tih chu khawtlang hruaitute leh mipuite duh dan a la ni reng tih sawiin park tlawh tumtute hriatthiamna an dil a ni.