Mizoram Labour Link LPS Pro Fight-a tel turin boxer 275 an inbuk a, champion lai pathum nen boxer 278 an tel dawn.
Tel tuma lehkha theh lut mi 336 an awm a, Zirtawpniah LPS Arena-ah an hriselna endikin boxer 275 an inbuk a. Weight pangaah fly tam berin 74 an ni a, light-ah 61, bantam-ah 58, welter-ah 55 leh middle-ah 27 an inbuk.
Champion lai pathum – Lalrinngheta (fly), Lalkhawngaiha (light) leh F Lalthanliana Junior (middle) te chu title humhim turin a tawpah an inlan dawn a. Bantam champion Laldinsanga’n title kalsanin a tel dawn lo va, welter title kawltu Lallawmawma’n champion kawnghren kalsanin weight pahniha champion tumin light-ah a tel dawn.
Kum 2024 khan champion laite nen boxer 286 an tel a, tun tumah hian hming pe lut thahnem hle mah se champion laite nen kum hnih kal ta aiin pariatin an tlem zawk.