Rochharzela chuan kum hnih chhung atan Sreenidi Deccan FC zawm tura inremna a ziak dawn a, Mizo winger kum 27 mi hian Indian Football League (IFL) club pan tur hian inremna a ziak fel tawh a ni.
He inremnaah hian Sreenidi Deccan hi Indian Super League (ISL)-ah an kaisang a nih chuan Rochharzela hian he club-a a hun hman chhunzawm zel theihna (extension clause) a huam tel bawk.
NorthEast United FC leh Mohammedan SC tana inelna sang bera a khelh hnuin winger tawnhriat ngah hian IFL lam a pan leh dawn a ni.
Senior team-ah Rochharzela hian Aizawl FC-ah bul a tan a, Mizoram atanga winger beiseiseiawm tak leh a tir atanga tlar hma lampang tichaktu zinga mi a ni chho va. A bik takin 2019-20 I-League season-ah a che tha hle a, club tan hian goal ruk a thun nghe nghe.
A chet that avangin kum 2020 khan ISL panin NorthEast United FC a zawm a. Highlanders tana season thum a khelh chhungin Indian club football sang berah tawn hriat hlu tak a hlawh chhuak a. Chu mi hnuah I-League bawk pan lehin Mohammedan SC a zawm a. 2023-24 season-a ISL-a kaisang, Kolkata club-ah hian hmun pawimawh tak a luah a, top division-a an kir leh thlengin a khel zui a ni.
A vanglai hman chhoh mekah Rochharzela hian winger angin a khel ber a, I-League leh ISL-ah pawh tawnhriat a ngah hle. Tunah hian Sreenidi Deccan zawmin bung thar a hawng leh mek a, Deccan Warriors-te ISL-a kaisang tura an nawrnaah a puipa ber a ni dawn a ni.
A sir lehlam lehlama a khelh theih avangin Rochharzela hian Deccan Warriors tlar hmaah zalenna a nei dawn a. Sir khat chauhvah a awm nghet dawn lo a, an hmachhawn tur club azirin inkhel kal chhoh dan leh player dangte dinhmun azirin sir lehlamah pawh an chhawr thei ang.
A chakna leh khelmuala a tlan zung zung theihna avangin Sreenidi Deccan chuan an tangkaipui thei viau dawn a, a bik takin pakhat leh pakhat inhmachhawnnaah a ngaihtuahawm lo viau tura ngaih a ni a. A sir lehlam lehlam atangin lehlam pawl full-back-te a nawr thei a, final third-ah ball la lutin a thiante tan goal thunna remchang a siamsak thei a ni.
Hmun hrang hranga a khelh theihna chuan inkhelh laiin Deccan Warriors tlar hma nawr dan a thlaktir zung zung thei dawn a. Rochharzela hian sir khat atangin game a tan thei a, inkhelh laiin a sir lehlam pan lehin player thlak kher ngai loin an tumpuite chu harsatna a siamsak thei a ni.
Kaisang tura inbuatsaih mek club tana IFL season thui takah hetianga chhawr theih zalen taka a awm hi a tangkai hle dawn a ni.
ISL-a tawnhriat a ngah bakah a sir hniha a khelh theihna avang hian Deccan Warriors tan Rochharzela hi tlar hma lamah inngahna tlak a ni dawn bawk a, beiseina sang tak nen an thlir a, sang tak thlenpui thei tura dah a ni.