Max Super Speciality Hospital, Saket, Delhi chuan Day Care Robotic Joint Replacement Program a hawng a. Dr Sujoy Bhattacharjee, Chairman & Chief, Max Institute of Robotic Joint Replacement sawi dan chuan robotic technology changkang leh kalphung ruat bik hmangin damlo thlan bikte chu khup thlakna dik leh rintlak an tihsak thei a, a ni la lain in lamah an haw thei tawh tih a sawi.
“Robotic arm-assisted technology leh day care kalphung uluk taka duan hmang hian joint replacement hi dik zawk, hliam tlem zawk leh nuam zawkin kan ti ta a. Damlote pawh an tho chhuak hma a, an dam leh hma tawh zawk,” a ti.
Zai danah hian damlo taksa milin 3D hmanga ruahmanna siam hmasak a ni a, hliam tihtlemna technique, tihrawl humhimna Subvastus approach leh posterior cruciate ligament duh thlan bika humhimna ten natna a tiziaawm a, chet vel pangngai a pui a. A remchan dan azirin zai hi tourniquet, drain, emaw thisen pek ngai lo pawhin tih theih a ni a. Damlote chu bandage huh thei lo an belsak a, darkar rei lo teah an kal leh nghal thei a ni.
Ni khata damdawi in chhuahsan hi damlo thlan bikte tan a theih a, an hriselna dinhmun leh zai hautak dan azirin a ni a. Ina dam chhuah hian rilru lamah hahdamna a pe a, natna kai theihna a ti tlem bawk a, team bik ten an vil zui reng bawk.
He program hi ruh chuktuah na tak emaw, ruh chhe nasa emaw damdawi leh physiotherapy-a dam thei lo khup na rei tawhte tan a tha. He program hian taksa che thei tawh lo chettir leh bakah mahni inrintawkna leh mahni duhthala chet veltir theih leh chu a tum ber a ni.