Aizawl: Social Welfare, Women & Child Development Minister Lalrinpuii chuan Ningani khan Dawrpui Multi-purpose Hall, Aizawl-ah Poshan Maah 2026 leh Project Genesis: protein-rich Food Campaign chu khuallian niin a hawng.
Prime Minister Flagship Programme ‘Beti Bachao Beti Padhao’ (BBBP) hnuaia kalpui Project Genesis hian hmeichhia leh nausen nunna humhim te, nu nau paite za a za damdawi ina inentir leh nau neih tir te a tum a ni.
Minister chuan Mizoram district thenkhat Siaha, Mamit, Lawngtlai leh Lunglei-ah damdawi ina nau neih hi zaa 70-80 vel chauh a la nih thu sawiin, inkalpawhna kawng chhia, damdawi in hnai awm lo leh khawsak harsatna te a chhan a nih thu a sawi a. Hemi ziaawm nan leh a bultanna atan Project Genesis hi a tir atanga nausen leh nu hriselna tichangtlung tura duan a nih thu a sawi bawk.
He project hi DC, Health & Family Welfare leh Women & Child Development Department-te tangkawpin kum khat chhung an kalpui dawn a. A tum ber te chu 1st Trimester ANC Registration zaa 1 tala tihpun leh Institutional Delivery zaa 95 aia tlem lo thlen te an ni.
He hunah hian W&CD Deputy Director Flora Laltanpuii pawhin thu sawiin, Rashtriya Poshan Mah vawi 9-na thupui ‘Kan Anganwadi, Kan Mawhphurhna’ chungchang a sawifiah bawk.