Spanish LaLiga chuan Ningani kal ta khan Barcelona squad sum hman theih chin chu € maktaduai 150 ($ maktaduai 174) velin a pung tih an puang a, tunah chuan € maktaduai 582 ($ maktaduai 676) an hmang thei ta a; mahse, Real Madrid sum hman theih chin, € maktaduai 832 ($ maktaduai 966) ai chuan € maktaduai 250 ($ maktaduai 290)0in a la tlem zawk a ni.
Barcelona sum hman theih chin a pun tak avang hian kumin nipui lai khan an squad thuam chak nan sum tam tak an hmang thei a, Anthony Gordon leh Rodri te chu a tawpah chuan pakhat pawh € maktaduai 70 ($ maktaduai 81) aia tam la ni thei turin an la lut a ni.
Chutih laiin Real Madrid pawhin player leina atan sum an hmang hnem hle a, nipui bazar hun inhawn lai khan first team tana player thar paruk an lak luh zingah Yan Diomande chu a tirah € maktaduai 125 ($ maktaduai 145) sengin an la lut bawk.
Atletico Madrid chu El Clásico-a an hmelmate pahnih hnung chiahah hian pathumnaah an awm a, an sum hman theih chin hi € maktaduai 361 ($ maktaduai 419) a ni a, Villarreal (€ maktaduai 170/$ maktaduai 197) leh Real Betis (€ maktaduai 142/$ maktaduai 165) te chu sum hmang hnem thei zual panga zingah an tel pha a ni..
Club-te sum hman theih zat tlangzarh a nih hian Sevilla chu sum leh pai lamah an la tlahniam hle tih a tar lang a. Europa League-a vawi sarih ngawt champion tawhte hian league-ah sum hman theih chin an nei tlem ber a, kum khatah € maktaduai 20 ($ maktaduai 23) chauh an hmang thei a ni.
League squad sum hman theih chin hi player lei theih hun inkhar apianga mipui hriata puanzar ziah a ni a, hei hian club tinte’n season khat chhunga first team player te, coaching staff te, reserve leh youth team te tana sum an hman theih zat tam theih dan ber a tarlang a ni.
A tlangpuiin he sum zat chhut chhuah hi club sum lak luh leh infiamna kaihhnawih ni loa an pawisa hman ral dan bakah ba an rulh dante atanga tehin a khaikhin theih a ni.
Club ten an sum hman theih chin bithliah an pelh chuan season hmasa lama Barca-in an tawn ang khan player thar an lak luh leh an inziah luh dawnin khuahkhirhna thenkhat an hmachhawn thin a, sum an tuak theih emaw, an khawl theih emaw atanga za zela tlemte chauh an hmang thei thin a ni.