Tunhnai ni 2/3 chhung lekin Mizoram hmun hrang hrangah sarthi an tam hle a, tui tla leh lirthei hmanga chesual an awm nual.
Lirtheite hi kan nei deuh fur tawh a, zin veivak kan tam ve tawh hle bawk. Lirthei khalhtute kan fimkhur a, khawchhungah ngat phei chuan lirthei khalh chak lutuk hi a him lo tih kan hriat thar a tul hle.
Tin, tui tam lai a ni a, ruahtui bawhawk a awm leh thin bawk. Lui tui hi basa ngam ngawt loh a him hle a, Dil leh Luipui tuiah a theih hram chuan kal loh a him bawk tih i hre thar ang u.
Sarthihna hi hote a ni a, nunna hi hotea chan theih a ni. Chuvang chuan mitin kan fimkhur a, lirthei khalhtute kan fimkhur fo a tul rualin, khawlum tih avanga tui luh mai loh thlengin kan chin fo a tul hle.
Inzirtirna hi kalpui mawlh mawlh ila, kan tu leh fate hi tui ngam viau lo turin hrilh ila, a theih hram chuan pumpelh fo a tha bawk. Lirthei khalhtute pawhin khawpui chhung a ni emaw, zin veivak kan nih emaw pawhin chak lutuka khalh hi a him lo tih hria ila, inhrilhin, infuih mawlh mawlh fo teh ang u.
Sarthihna avanga nunna tam tak laka a awm thin hi a pawi a, thenkhat hi chu kan pumpelh theih nia a lan thin avangin mitin i fimkhur lehzual bawk ang u.