MZP General Headquarters chuan Mizoram chhunga hnam dang Mizo hming hawh a sumdawng an pung chho zel chu hnam anga chim ralna thlentu a nih avangin a vei tak zet thu leh, hemi do chhunzawm nan hian September 17, 2026 atang hian hnam dang enkawl leh an thawhna petrol pump-te khar turin a hriattir.
MZP thuchhuah tar lan danin, hnam dangte’n Mizo hming hawha sumdawnna an run mek chu hnam chimralna kawng zau tak hawngtu a ni a, zirlai pawl hian a tawp thlengin hma an la zui zel dawn a ni. Hemi kawnga hma lakna bul tanna atan hian Mizoram chhunga Petrol Pump hnam dangte enkawl leh an thawhna zawng zawngte chu September 17, 2026 atang hian an sumdawnna chawlhsan a, khar vek turin hriattirna an chhuah ta a ni.
He thu bawhzuina atang hian MZP Sub Headquarters, Branch, leh Hnampual zirlai pawl zawng zawngte chu mahni huam chhung theuhva Petrol Pump inkhar zawng zawngte neitu hming leh an sumdawnpui hnam dangte chhinchhiah turin an hriattir tih tarlang a.
Heng hnam dang sumdawnpui a, September ni 17, 2026 a mipui dawr theih loh a inkhar zawng zawngte a tul anga an hming an puanzar tur thu an tar lang bawk.