Union Minister of State for Youth Affairs & Sports Raksha Nikhil Khadse chuan Mizoramin sports sector-a hmasawnna hrang hrang a mamawhte bawhzui a nih tur thu a sawi.
Thawhlehni khan ni hnih cham turin Khadse-i hian Aizawl a lo thleng a, Lengpui Airport-ah Sports Minister Lalnghinglova Hmar leh official ten an lo hmuak a ni.
Aizawl a thlen hian Mission Vengthlanga SAI Contact Sports Centre tlawh nghalin, MY Bharat Mizoram aiawhte, Mizoram Olympics Association (MOA) leh sports association hrang hrang aiawhte nen an inkawm a. He hunah hian Sports Minister Lalnghinglova Hmar chuan Mizoram sorkarin sports tihchangtlun a tum dan sawiin, ram pawna an infiammite hlawhtlinna nei mah se Hockey Academy for Boys mamawh tak an nih thu leh ‘Vision Olympics 2036’ atana hmalakna leh ruahmannate a thlen a ni.
Football, hockey, badminton, archery leh weightlifting discipline aiawhten an mamawh hrang hrang an thlente chu union minister hian theihtawp chhuaha a lo bawhzui tur thu a sawi a ni.
Union minister hian Aizawla hun a hman zawh hian Saitual a pan nghal a, naktuk hian Kolasib a tlawh chhunzawm leh ang.