Lemchan thiam Tom Cruise chuan a naupan lai nun thenkhat chu tunhnai khan sawichhuakin, kum 16 chhungin school 15-ah ka insawn hman a, ka tan chuan chona thar hi a ni reng mai, a ti.
Kum 64 mi Cruise hian chona thar hmachhawn reng hi nuam ka ti a, ka naupan lai atanga ka nuna bet tlat leh ka phur thinna a ni bawk. Ka ruahmannate hi a taka tihhlawhtlin thuai thuai ka chak a, hei hi movie thlenga min puitu a ni tiin a sawi.
Ka theihtawpin ka thawkrim a, ka tih vek vek chuan rim taka thawk duh mi ka ni. Ka nu leh pate hnathawhna avangin ka naupan lai hun chu insawnkual nasa ka hmang nasa hle a, school pawh ka thlak zing, mahse insiamrem ka zir zung zung zel thei a, chu chuan tun thleng hian min pui a ni, a ti bawk.
Ka chhungte hian thil tha lo kalsan turin min hrilh fo a, school ka sawn kualna lamah hian thian tam tak ka neih phah a, hun hi ka hmang thiam bawk niin ka inhre thin, a ti.