Penelope Cruz leh a pasal Javier Bardem te chuan kum 20 dawn an inkawp hnuah film chang dunin, an lifestyle nena inmil takin an movie thar hi an siam a, Cruz-i chuan harsa ngar ngar a tih thu a sawichhuak.
September 14 khan Toronto International Film Festival-ah an movie thar hi an chhuah a, he movie hi nupa tuak khatte chanchin, an thutlukna siam pawimawh taka an inrem lohna chungchang niin, an nupaa an ziah dun a ni nghe nghe.
Kum 52 mi Penelope Cruz chuan an movie thar chungchang an zawhnaah kawppuite nena han chan chu a dan a dang thu leh inngeih lo ang taka awmte a ngai a, a harsa hle, a ti.
Kan inneihna kum 16 a ni ve tawh a, movie-ah hian a taka kan fa neih zat ang fa pahnih tho kan nei a, inrem loh chhohte a ngai a, inhrechiang viau tawh mah ila, inkar khi awm ang tura han chan chhoh kha harsa tak a ni, ka tan chuan fiahna pawimawh tak a ni si, Cruz chuan a ti bawk.
Kum 57 mi Bardem leh Cruz te hi kum 1992 khan inhre tanin, inngaihzawn lam an la ngaihtuah lo a, kum 2008 khan inhaw lo tanin, an inzui nghet chho ta zel a, kum 2010 khan inneiin, fa an pahnih an nei tawh bawk a ni.