Aizawl: BJP Mizoram chuan an ‘Seva Sankalp Abhiyan’ program hnuaiah midang tana luanchhuahna leh rawngbawlna entirnan Zirtawpni zing dar 10 atang hian Aizawl Treasury Square-a I&PR Auditorium-ah a thlawna thisen pek runpui (Blood Donation Camp) a buatsaih dawn.
He blood donation camp-ah hian mi tupawh thisen pek hmanga midang tana luan chhuah duh te tel vek turin BJP Mizoram chuan mipui an sawm a. Mizo mipuite hi tlawmngaihna inzirtira nunpui tlat mi leh midang tanpui duhna thinlung pu tlat an nih angin, a bik takin Mizo thalaite leh hrisel lohna nei lo thisen pe thei zawng zawngte lo tel turin an sawm.
He program hi Prime Minister Narendra Modi-a’n ram tana rawngbawl hna a thawh a, politics leh public service-a a inpek atanga kum 25-na (Silver Jubilee) a lo thlen pual leh champha hriatrengna pakhat atana ruahman a ni a. BJP chuan PM Narendra Modi-a’n mi retheite a ngaihsakzia leh India a hmangaihna hi Mizoram chhung ngei a PM Scheme hrang hrang dawngtu leh tangkaipui tak tak awm te hian a tichiang takzet a ni, an ti bawk.