Aizawl: Mizoram Baptist Kohhran (BCM) chuan Kohhran calendar-a tar lan angin, October 9-11, 2026 chhung hian Pastor Bial Inkhawmpui an hmang a. Pastor Bial 95-ah Inrinni khan Bial Rorel Inkhawm an nei.
Bial rorelnaah hian bial chhung kohhran hrang hrang inenkawlna chungchang bakah BCM rorelna sang zawk Area Baptist Council (ABC) leh Assembly-a thlen tur thute an sawi ho a ni.
Pastor Bial Inkhawmpui hi Zirtawpni zan atanga Pathianni zan thleng neiin inkhawmpui thupui leh speaker te neiin Pathian chibai bukna hun an hmang a, bial thenkhatah erawh chuan kum khat danah an hmang thin a ni.
Inkhawmpui neih hma leh a hma chawlhkar chhung khan bial tam zawk chuan an hnuaia fellowship hrang hrang Bial |KP, Bial BKHP leh Bial BMP Rorelna an lo nei tawh bawk.
Bial rorelnaa thurel hrang hrang pawmte hi ABC-ah thlen a ni ang a, ABC-a thu pawmte chu BCM rorelna sang ber Assembly-ah chhawp chhuah leh a ni ang.