Mizorama show lar kan neihte zinga mi Comedian Search a kal mek a, second round an zo der tawh.
Tun tumah hian Hruaitei’n a host a, tum dang ang bawkin co-host chu Pu Thangthuama a ni. Host pahnihte’n an hna an tlin a, hlimawm takin show an kaihruai a ni. H Rotluanga (Mapuia), Darrokima leh Lalhruaitluanga Chawngte te’n an endik a, guest judge tha tak tak an awm bawk. Zaithiam lar Peter Lalnunpuia, Siampuii Ralte, BZ-i Tochhawng leh sipai huaisen LZ-a te’n guest judge hna hi an thawk tawh.
Comedian Search hi 2008-ah an tan a, kum tina neih chho zel a ni a, 2020 khan covid vangin an ti thei lo. Kum dangah chuan an la ti thei zel a, Mizorama show kan neih tawhah hetiang zat buatsaih hi a dang a la awm lo.
Mipuiin an hlut a, second round thlenga neih tawhah contestant tha tak tak an awm tih a lang a, an fiamthu pawh social media lamah a lar.
September ni 30-ah selection an nei a, October ni 2 leh ni 3 zanah first round neih niin, October ni 7 leh ni 8 zanahte khan second round neih a ni a, October ni 15 leh ni 17 zanah third round neih a ni ang.