Aizawl: Union Minister for Communications leh Development of North Eastern Region (DoNER) Jyotiraditya M. Scindia chuan ni hnih cham turin Mizoram tlawhin, chief minister Lalduhoma nen hmasawnna hna project 10 hawngin, lungphum a phum ang. DoNER Minister a nih hnua Mizoram a tlawh tum hnihna a ni.
Union minister Jyotiraditya M. Scindia hian Thawhtanni (October ni 12) hian Aizawl thlengin, Tuivamit-ah a tlawh nghal ang a, hetah hian project hrang hrangte hawngin lungphum phumna hun a hmang ang. Hemi hnu hian Mizoram University tlawhin zirlai te leh DoNER hnuaia Ashtalakshmi Darshan Program a zirlai tel te nen inkawmna hun an hmang ang.
Naktuk hian Mizoram University-ah North East Bankers’ Conclave 3.0 buatsaih tur chu hawngin thu a sawi dawn a ni. he conclave-ah hian hmar chhak biala sumdawng leh tualchhung economy chawikan nan banking sector-te tanpuina leh credit awlsam zawka dawn chungchangte sawi ho a ni ang.