Bollywood top te zinga mi Katrina Kaif chuan tun hnai khan social media lama an chirh thehna hrang hrangte chu hmu ngai lo a nih bik loh thu sawiin, engahmah a ngaih loh thu a sawi.
Fa pakhat nei tawh Kaif chuan, ka fa neih hnu hian ka taksate hi duh angin ka la exercise tha thei lo a, ka fa tan ka nun tam zawk ka hman a ngai a, keimah chiah inngaihtuah thei ka ni tawh lo, ka taksa lo thau ta deuh pawh ka hria a, social media lama min lo ‘troll’ na pawh ka hria, mahse ka hmu lo der thin, a ti.
London lama brand event pakhata a telnaah Katrina chuan trolling chungchang chu a ngaih thuthak ngai loh thu sawiin, ka nihna ni lo leh ka sawi lohpui sawi angte in min chhuah thin a, mahse khin let tlakah ka ruat ngai lo, ka en liam mai mai thin. Chu chu ka hahdamna a ni zawk, a ti bawk.
Hetih lai hian social media hman dan kan thiam a ngaih thu Kaif chuan sawiin, social media hmang hian a chhiat vek theih a, hman dan leh pawm dan tawk kan thiam a tul hle, a ti a. Engpawh social media hmanga titheia inngaihna hi bansan ila, hriat loh laia mi pawi kan sawi theihna a nih avangin dan hnuaia him taka kan awm tlan theihna turin mitinin social media hman dan i thiam ang u, a ti.