Aizawl: World Mental Health Day denchhenin Thawhlehni khan Govt. Aizawl West College-a Counselling & Mentoring Cell leh Psychology Department-te buatsaihin ‘Sensitization Program on Drug Abuse’ tih thupui hmanga zirlaite hnena ruihhlo do zirhona buatsaih a ni.
He hunah hian ruihhlo laka inven dan leh a hlauhawmna hrang hrang zirtir tur hian Trainer on Drug Abuse Prevention, Lalrindika chu Resource Person atan sawm a ni a, 1st Semester zirlai 300 vel bawrin an chhim a ni.
Resource Person chuan ruihhloin mihring hriselna leh rilru hriselna a khawlohnate tar langin, ruihhlo laka zirlaite an fihlim theih nan leh an inven fimkhur dan tur kawng hrang hrang te a sawi a ni.
Govt. Aizawl West College hian zirna pangngai piah lamah zirlaite rilru leh taksa hmasawnna tur thil hrang hrang a duang fo thin a. Ram leh khawtlang tana mi tangkai, puitling leh chhenfakawm chher chhuah hi college thil tum lian tak a nih avangin Principal leh zirtirtute chuan theihtawp chhuahin zirlaite hi kawng hrang hrangah an kaihruai mek zel a ni.