Aizawl: Union Ministry of Agriculture & Farmers Welfare buatsaih, kum tina hman thin ‘Mahila Kisan Diwas’ New Delhi-a hmannaah Mizoram atangin Serchhip P&E Veng a mi B. Lalthuami chuan chawimawina a dawng.
‘International Year of Woman Farmer 2026’ denchhenin India pumah ‘Mahila Kisan Diwas’ hi kumin hian uar lehzuala hman a ni a, he mi pual hian India ram state hrang hrang atangin hmeichhe loneitu entawntlak mi 30 thlantlin te hnena chawimawina hlan a ni.
Mizoram atanga he chawimawina dawngtu, B. Lalthuami hi Agricultural Technology & Management Agency (ATMA), Serchhip kaltlanga thlan chhuah a ni.
B. Lalthuami hian lo neih, huan thlai siam leh ran vulh kawngah sulhnu tha tak a nei a, Self Help Group kaltlangin hmeichhe lo neitu dangte kaihhruai leh zirtirna kawngah pawh a thawhhlawk hle. A hnathawhte hi state chhung mai bakah ram pum huapa entawntlak a nih avangin he chawimawina sang tak hi hlan a ni.