Aizawl: Mizo Hindi Zirlai Pawl chuan Hindi Teacher Association pathumte Nilaini khan Joint Meeting a neihpui a, Samagra-ah hindi officer pakhat tal deputation-a dah turin Mizoram sorkar an ngen.
Mizo Hindi Zirlai Pawl leh high school, middle school leh CSS Hindi teacher te thukhawm hian Hindi zirlaite leh zirnain hma a sawn theihna tur thil pawimawh hrang hrang an sawi ho va. Samagra-ah Hindi officer pakhat tal deputation-a dah turte, Hindi teacher post ruak hnawh khah turah CSS Hindi teacher tanglai la turte, AHEO Gazetted Officer a hlankai tur leh High School Hindi Subject Syllabus ennawn turin sorkar an ngen.
Tun dinhmunah Mizoramah rel a lo lut a, hnam dang a ni telin tam tak an luh mekah hun kal zelah Zofaten hnathawh tur tam tak an neihte, Hindi thiam loh avanga an rama hna hrang hrang hnamdangin an luah lan loh nan Hindi zirna te sikul hrang hranga uar zawka kalpui a nih theihnan Mizo Hindi Zirlai Pawl chuan hmalak tha an tih thu an sawi bawk.