Country singer Dolly Parton hriatrengna chu Country Music Association (CMA) chuan October 21 zan khan hmangin, hetah hian Dolly hla hrang hrangte zaithiamten an sa.
He show hi live-a pekchhuah niin, thlirtu a ngah hle a, enzui theiha a programme hi dah ni bawkin, thlirtu leh entu an tam zui hle bawk.
Darkar hnih chuang awh he show hi Nashville-a Belmount University hmuna Fisher Center-ah neih niin, Robert Deaton chu special taka executive producer a ni.
Zaithiam tak tak inlan tur hi hun hmasa lamah CMA lam hian lo puang tawhin, khawvel huapa zaithiam lar – Ashley McBryde, Bela Fleck, Brad Paisley, Carly Pearce, Carrie Underwood, Darius Rucker, Ella Langley, Kelsea Ballerini, Kristen Bell, Kristin Chenoweth, Lady A, Lainey Wilson, Little Big Town, Lukas Nelson, Molly Tuttle, Reba McEntire, Ricky Skaggs, Sierra Hull, Vince Gill leh Zac Brown te an inlan.
Country singer ho rual bakah hian Bela Fleck, Broadway star Kristin Chenoweth leh actress-singer Kristen Bell te pawh Dolly puala hun hmannaah hian an inlan bawk a ni.
Country lalnu tia sawi hial Parton hi August 25 khan kum 80 mi niin cancer natna avangin a boral a, amah chawimawina country music association in an nei pawh hi a inhmeh hle.