Mizoram pum huap zaithiam intihsiakna ‘Mizo Voice’ chu Zoen chuan Lungleiah a buatsaih mek a. Audition Round hi Virtual a neih niin Top 50 intihsiakna chu October 22 zan atangin tan a ni.
Zoen buatsaih Mizo Voice Top 50 intihsiakna hi ningani zan leh zirtawpni zan khan neih niin, Zoen Studio Lunglei Electric Veng atangin Zoen Youtube Channel-ah Live a pek chhuah a ni.
Mizo Voice-ah hian Chalthansawmi (Chali, Even Flow) leh Lalrinmawia Punte te Judge niin Top 50 ah hian Lalenkawli Pautu chu Guest Judge a ni bawk.
He intihsiaknaah hian lawmman 1 na in cheng Nuai 1 leh Scooty a dawng dawn a. Pahnihna in cheng sing sarih leh pathumna in cheng singnga an dawng ang.