Mizo Zaimi Inzawmkhawm (MZI) General Headquarters office-bearer thlanchhuah tharte leh hruaitu kal chhuakte chuan Thawhlehni khan MJA Building, Treasury Square-a MZI General Headquarters office-ah charge an inhlan a, President thar Peter C Lalrinmawia chuan Mizo zaimite leh Zo rimawi tihmasawn tur leh rimawi hmanga Zofate inpumkhatna thlentir turin theih tawp chhuah a tum thu a sawi.
Charge inhlanna hun hi President kalchhuak Rosiamngheta’n a kaihruai a, Treasurer thlan thar R Lalhnehpuii’n tawngtaina in a hlan a ni. President kalchhuak chuan hruaitu tharte duhsakna hlanin, a theih tawpa a tawiawm zel tur thu a sawi.
President thar Peter C Lalrinmawia chuan MZI a vul zel theih nan EOB-te tangruala theih tawp chhuahpui turin a ngen a, pawl thupui ‘Rimawi hmanga inpumkhatna’ tih a nih angin, Zofate inpumkhatna atan rimawi hmanga hmalak a tum thu a sawi bawk.
Charge an lak rual hian hruaitu tharte hian Pathian hnena inhlan tharna tawngtai rualna an nei a, chumi hnuah EOB meeting nei chhunzawm nghalin hmalak dan tur ruahmanna an siam a ni.
MZI EOB tharte hian an thawhpui tur ruat turin October 30, 2026 (Zirtawpni) tlai dar 3 hian Finance Secretary Isaac Hmar chenna in, Thuampui-ah EOB meeting an nei leh dawn a ni.
- MZI Gen Hqrs Hruaitu Tharte:
President: Peter C. Lalrinmawia (Mission Veng Thlang)
Vice President: K. Lalchamliana (Chawnpui)
General Secretary: C. Rosangliani (Chawnpui)
Assistant General Secretary: Abraham M. Ralte (Bungkawn)
Treasurer: R. Lalhnehpuii (Electric Veng)
Finance Secretary: Isaac Hmar (Thuampui)