Mizo nula Lalrinfeli Hnamte, New Delhi-a cheng chu Samsung Research & Development Centre, Bangalore-ah ‘Software Engineer’ hna thawk turin lak a ni.
Lalrinfeli hi Tagore International School, New Delhi-a zir chhuak niin, CBSE Class-10 ah 93% leh Class-12 Science ah 96% a hmu a. Delhi Technological University-ah B.Tech (Computer Science & Engineering) zir chhuakin, 2026-ah 8.54 CGPA hmu in First Class with Distinction-in a zo.
University-a a zir lai hian Uber Company-ah She++ Mentorship, Microsoft-ah Software Developer Intern leh Forsyt startup-ah Software Engineer hna a thawk tawh bawk. A research paper chu IEEE-in NetCrypt 2026, New Delhi-a neih turah oral presentation leh full paper publication atan a thlang bawk.
Lalrinfeli hi Lalchhandama, Joint Secretary, Ministry of Rural Development leh Er Lalthanpari, Scientist, Bureau of Indian Standards, New Delhi te fanu a ni a, a hna thar hi November thla atangin a zawm ang.