Aizawl: Bawngkawn leh Thuampui inkar khawlaia tlangval insual buai chungchangah Bawngkawn Police Station chuan hma la nghalin, hemia inhnamhnawih mi 10-te chu an man vek a, legal action la in court-ah thawn vat an ni dawn.
Thawhtanni zing lam dar 2 khan he thil hi a thleng a, Bawngkawn Police te chuan thubuai Case No. 398/26 u/s 194 (2)/292/125 BNS registered nghalin hetianga khawlaia buaina chawkchhuak thinte lakah hian a na thei ang bera action lak zel an tum thu an sawi.
Police patrol awm remchan lohna hmuna hetiang thil thleng a awm a nih chuan 112 ERSS leh Police Station helpline number-ah te a rang lama hriattir thin turin mipui an ngen a ni.
Hei bakah thalaite chu police-a thubuai neih hian dam chhung criminal record/antecedent a siam a, hmalam hun atan harsatna lian tak a thlen thei tih hre reng tura chahin, hetiang intihbuaina leh khawlai buaina siam zawnga a thlen leh a nih chuan na taka an chungah action lak a nih zel tur thu an sawi bawk.