Lemchan thiam Margaret Qualley leh Grammy dawng tawh musician Jack Antonoff te chuan kum thum an inneih hnuah inthenna lehkha an thehlut a, August 2023 khan inneiin, kumin July thlaa Taylor Swift pasal neihnaah Jack chauh hi hmuh a nih avangin thuthang a tam tan hle a, tunah chuan nemnghehin a awm ta a ni.
Associated Press tarlan danin, an inthenna lehkha hi zirtawpni liamta khan thehluh niin, court chuan a la nemnghet lo thung a, Margaret-i hian inthen a duh thu a thlen nia tarlan a ni bawk.
An pahnih hian kum 2021 atang khan an inzui tan a, a hnu lawkah Brooklyn lamah inhaw lo taka an inzui hmuh niin, May 2022 khan an inhualzui nghal bawk. August 19, 2023 khan New Jersey-a Long Beach Island-a Beach Haven-ah an innei a ni.
Kar hmasa khan Jack Antonoff chuan Margaret nena an chungchang hi The Guardian hrilhin, an inthenna chuan amahah fuihna tha tak a neihtir niin a sawi a, a band telna Bleachers in May thlaa an album thar ber an tihchhuahah pawh khan a kawppui nena an inkar hla engemaw zat a tel thu a sawi.