Sawi buai theih a ni ta lo. KGF: Chapter 2 chuan history ropui a siam chhunzawm zel a, Hindi film industry-a film hlawhtling ber pathumna niin, cheng vaibelchhe 343 a lalut.
Kannada tawnga siam he film hi Hindi anga tihchhuahah pawh a hit em em tho a, Salman Khan channa, ‘Tiger Zinda Hai’ (Rs Vbc 339.16) leh Aamir Khan ‘PK’ (Rs Vbc. 340.8) leh Ranbir Kapoor, ‘Sanju’ (Rs Vbc. 342.53) te khum fai vekin, tunah hian box office pumpuiah cheng vaibelchhe 1000 hlawhchhuak ngei turin a dinhmun a tha hle.
KGF franchise hian thawm a nei ring chhunzawm zel a, kawng tinrengin hlawhtlinna leh ropuina a chan chho mawlh mawlh. ‘KGF: Chapter 1’ kha India rama tawng chi 5-a tihchhuah hmasa ber a ni.
‘Baahubali’, ‘RRR’ leh KGF’ te hi South Indian film mah ni se, Bollywood-ah an hawi chiamp viau mai a, tunhma lama hriat ngai loh Hindi film chungnun bernaah South Inidan original te an kang chho viau a, Hindi version thlenga tihchhuah chuai chuai a ni ta.
KGF: Chapter 2 ah hian filmstar lar Yash, Raveena Tandon leh Sanjay Dutt te chu langsar takin an inlan.