Central YMA leh Cricket Association of Mizoram buatsaih 11th Inter Branch Cricket Tournament-ah Luangmual Branch ten quarter-final an lut.
Thawhlehni a inkhel pahnih awm turah khawchhiat avangin match khat chauh khelh a ni a. Tournament a seeded team zing ami Luangmual chuan Zemabawk East lakah wicket hnihin hnehna an chang.
Luangmual tan Malsawmkima Ralte chuan ball 36 atangin run 45 a siam a. A vawm lamah wicket thum la bawkin Zaithanmawia pawhin Luangmual tan wicket thum a la.
Inkhel hnuhnung zawka intum tur Chaltlang leh Tuikual South te chu ruahsur avangin vawiin chawhnu dar 1-ah sawn a ni.