Current Affairs lam zirtirtu hriat hlawh leh hemi lama world-record siamtu ni mek. Indian zirtirtute chuan a lar mekna a belhchhah leh a. Nupui a neih ni-ah pawh chawlh la duh lovin a pangngaiin zirlaite a zirtir.
Rajasthan-a Alwar-a zirtirtu lar tak, Priye Kumar Gaurav hian Thawhtanni khan nupui a nei a, a thawhna pawhin chawlh phalsak mah se zirlaite hnena zirna pek a ngaih pawimawh avangin a duh lo.
Coaching institute pakhata thawk hian ‘Shiksha rath’ neihna atangin online-in live-in zirlaite chu zirtirna a la pe tho a ni.
Coaching institute hotute zinga pakhat, Nirmal-i chuan, “Thla nga vel liam ta atang khan nupui a neih tur thu hi chu a sawi tawh a. Tih dan pangngaiah ni li ni nga vel chu chawlh pawh kan pe thei a; mahse, eng class mah thulh a duh lo va, an inneih niah pawh zirtirna a pe tho a ni,” a ti.
A nupuite lamin inkhawm pawimawh, ‘Sangeet’ an tih zawhah a tuk zing lama Current Affairs a zirtir tur pawh a inbuatsaih zui lehnghal bawk a ni.