Tun dinhmuna Bollywood film tihchhuah mek pahnih, ‘Heropanti 2’ leh ‘Runway 34’ te chuan box office lamah chhiat an tawk chiang hle.
He film pahnih in April 29 khan tlangzarh a ni a, KFG 2 leh Dr Strange 2 te’n an uap hneh chhoh vang te bakah star lar tak takte inlanna nih vang maia film hit vek tura ngaihna awm thin dik tawk lohzia tilang chiangtu an ni.
Ajay Devgn, Amitabh Bachchan, Boman Irani leh Rakul Preet te inlanna ‘Runway 34’ hian eng ruai a ang thei lo. Lehlamah Tiger Shroff leh Tara Sutraia te chann pawhin film entute a kokhawm hlei thei chuang lo. A flop hle a ni.
Runway 34
Ajay Devan inlanna hi karhmasa tir lama Eid chho velah khan tlemin a kang deuh hlek a ni mai a, aviation thriller film hian cheng vaibelchhe 24 vel a hmu thei hram. Kartawp lamah khan vaibelchhe 25 a hawlh tlin an beisei.
Heronpanti 2
Tlangzarh atanga ni riatna thlengin Tiger Shroff-a channa hian chanchin lawmawm a dawng thei lo. Rs vaibelchhe 23 a hmu thei hram. Marvel film, ‘Doctor Strange in the Multiverse of Madness’ lo inlar thut hian a vaw chau lehzau dawn tih a chiang reng mai.