Diaper hren vanga nautea thak neuh neuh (diaper rash) awma hi ngaihthah chi a ni hauh lo. Chutih laiin, mumal taka diaper thlak a nih a, thianghlimna kalpui anih chuan inven theih a ni.
Naute vun-a harsatna neuh neuh awm thina hi mumal leh uluk taka thianghlimna kalpui loh vang a ni fova, hetiang hian diaper rash enkawlna i han tarlang dawn teh ang:
Engtikah nge doctor pan hun i hriat theih ang?
A pian atanga chawlhkar 6-naah diaper rash a lo awmin
Bawl neuh neuh a awm a, a khua a sikin
Engmah a ei tui lova, a rihna a hlohin
A hmai, ban leh luvun-a thak neuh neuh a awmin
Chawlhkar khat vel enkawlna pangngai hman pawha a ziaawm chuan lohvin
Diaper rash lo awmna chhan
Thlak thuai thuai a nih lohva, zun leh ek, thlan vanga a lo huh a, thlak zung zung anih loh hian bacteria hrik te hian awmhmun an khua nghal zung zung thin. Hetianga hnawng deuh churh ah hi chuan diaper rash hi reilote ah a lo awm nghal a, mawngtam ah a langsar hle. A serh bul velah emaw a dul hnuai lamah pawh a lo langchhuak nghal mai thin. A thak a, a thip bawk a, enkawl vat loh phei chuan tawrh hrehawm tak a tling thei.
Enkawlna leh invenna
A pawimawh bera chu a taksa hnuai lam kha a hul tha thin tur a ni a. Hemi atan hian diaper fit tha tak, boruak thianghlim luh theih-na awm bawk si diaper thlan thiam a, hren thin tur a ni a. Zun leh ek a chehin, vil that a tul a, thlak zung zung nise.
Tihziaawm dan
A tul dan a zirin bawkkhupin awm se, hemi chhung hian diaper rash awm theihna vel kha tihro/hul thin tur.
Doctor remtihna lain Zin oxide hnawih chi emaw homeopathic Calendula lotion hmanga enkawl a tha. (Mahni thu leh remchan anga kalpui a him lo)
Diaper tawt lutuk leh tha tak hak tir loh hi diaper rash awm theihna chikhat a ni a, diaper quality tha hman thin tur a ni. Naute taksa len dan, rih dan leh a kum zat mila thlan thiam a pawimawh bawk ang
Engpawhnise, diaper rash laka invenna tha ber chu diaper hakna bul vel a hul that a, a awmmawi tawka tihfai thin hi a ni a.
Diaper rash hi naute tan tawrh hrehawm tak a tling a, a thak thin avangin retheih thlak an tihle.
Taksa vawnfaina uluk taka kalpui a nih a, a hun taka diaper thlak thin anih bawk chuan insawiselna tam tak hi pumpelh theih a ni.