Mizoramah COVID19 kai hmuhchhuah thar la awm chho zel rih mahse, nitina hri kai hmuhchhuah tam vak lo zel rih mahse, COVID19 kai nunna chan an la awm leh zauh thin. Nimin tlai dar 5 thleng khan Mizoramah COVID19 kai nunna chan 697 an awm tawh a, heng zinga mi 443 te chu mipa niin, hmeichhia 254 an ni.
Kumin bikah ni- min tlai dar 5 thlenga Mizorama COVID19 kai nunna 152 niin, heng zinga mi 96 te chu mipa an ni a, hmeichhia 56 an ni thung. Kumin January khan Mizoramah CO- VID19 kai nunna chan 65 an awm a, February-ah 47; Mar- ch-ah 28; April-ah 11 leh tun thlaah nunna chan 1 a awm tawh.
Mizorama COVID19 kai nunna chan 697 zingah kum 10 hnuailam 16 an awm a. Kum 80 ata- nga 99 inkar nunna chan tam berin mi 172-in nunna an chan tawh a. Kum 70 ata- nga 79 inkarin dawt in, mi 151-in nunna an chan tawh.
Kum 60 atanga 69 inkar COVID19 kai nunna chan 128 awm tawhin, kum 41 ata- nga 59 inkar mi 125-in nunna an chan tawh a. Kum 31 atanga 40 inkar 66-in nunna chan tawhin, kum 19 atanga 30 inkar mi 22 leh kum 10 atanga 18 inkar mi 11-in nunna an chan tawh a, sorkarin a puanzarnaa kum tarlan loh mi 3 an awm bawk.
Kum 2020, October ni 28-ah Mizoramah COVID19 kai nunna chan an awm tan a, hemi kum hian mipa 7 leh hmeichhe 1, an vaiin mi 8-in nunna an chan. Kum 2020 Ocotber-ah mi 1-in nunna a chan a, November thlaah mi 5 leh December thlaah mi 2-in nunna an chan bawk a ni.
Kum 2021-ah Mizoramah COVID19 vanga nunna chan 537 awmin, mipa 340 leh hmeichhia 197 an ni a. Hemi kum hian January, February leh March-ah mi 1 theuh- in nunna an chan a. April-ah 4; May-ah 25; June-ah 53; July-ah 55; August-ah 69; September-ah 93; October-ah 122; November-ah 66 leh Dec- ember-ah mi 47-in nunna an chan.
September ni 23, 2021-ah mi 11-in nunna chanin, Mizoramah COVID19 kai nunna chan an tam ber ni a ni a. Nunna chan zinga naupangber ni 18-a upa niin, nunna chan zinga upa ber kum 101 mi a ni thung a ni.